ევროპის ოლიმპიური კომიტეტების საკოორდინაციო კომისიის თავმჯდომარემ, ჯოზეფ ლიბამ და კომისიის მენეჯერმა კატერინა ნიცოვამ საქართველოს პრემიერ–მინისტრ ირაკლი ღარიბაშვილთან შეხვედრისას განიხილეს ევროპის ახალგაზრდული ოლიმპიური ფესტივალის მოსამზადებელი სამუშაოები. ევროპის ოლიმპიური კომიტეტების საკოორდინაციო კომისიის წარმომადგენლებმა საქართველოს მთავრობის მეთაურს მიაწოდეს ინფორმაცია ბოლო ინსპექტირების შედეგების შესახებ. პრემიერ-მინისტრის განცხადებით, შესაბამისი უწყებები ყველაფერს აკეთებენ იმისთვის, რომ „თბილისი 2015“ მაღალი სტანდარტების დაცვით ჩატარდეს.

შეხვედრას საქართველოს სპორტისა და ახალგაზრდობის საქმეთა მინისტრი ლევან ყიფიანი და ევროპის ახალგაზრდული ოლიმპიური ფესტივალი „თბილისი 2015“-ის საორგანიზაციო კომიტეტის თავმჯდომარე ალექსი ახვლედიანი დაესწრნენ.

ოლიმპიური კომიტეტების საკოორდინაციო კომისიის თავმჯდომარე, ჯოზეფ ლიბა და კომისიის მენეჯერი კატერინა ნიცოვა საქართველოს 22 თებერვალს ეწვივნენ. მათ ადგილზე დაათვალიერეს ოლიმპიური სოფლის ტერიტორია და და ყველა ის მშენებარე სპორტული კომპლექსი, სადაც სპორტული შეჯიბრებები გაიმართება. ერთ კვირიანი ვიზიტის ფარგლებში დაგეგმილია შეხვედრა თბილისი მერთან დავით ნარმანიასთან, სპორტისა და ახალგაზრდობის მინისტრთან ლევან ყიფიანთან, ასევე  თბილისი 2015-ის საორგანიზაციო კომიტეტის პასუხისმგებელ პირებთან.