ძვირფასო მოხალისეებო, გაცნობებთ, რომ მოხალისეთა რეგისტრაცია დასრულდა. დაფიქსირდა საკმაოდ მაღალი აქტიურობა. ევროპის ახალგაზრდული ოლიმპიური ფესტივალის საორგანიზაციო კომიტეტი გადადის ახალ ეტაპზე, რაც გულისხმობს მოხალისეთა გადარჩევასა და პოზიციებზე გადანაწილებას, რომელიც მოხდება გასაუბრების საფუძველზე. სულ რეგისტრაცია გაიარა 6916-მა მოხალისემ. მათ შორის საქართველოს მოქალაქეა 5750, ხოლო სხვა ქვეყნების - 1166 ადამიანი. აღნიშნულ ქვეყნებს შორისაა უკრაინა, ჩინეთი, ბრაზილია, კატარი, სირია და სხვა. რაც შეეხება მოხალისეთა ასაკობრივ მონაცემებს, ასაკით ყველაზე უფროსი მოხალისე არის 78 წლის, ხოლო ყველაზე უმცროსი - 10-ის.

მოხალისეთა დეპარტამენტის სახელით ფესტივალში დარეგისტრირებულ ყველა მოხალისეს მადლობას გიხდით აქტიურობისთვის და გვჯერა, რომ თქვენი წვლილი განმსაზღვრელი იქნება საქართველოს ისტორიაში ყველაზე მასშტაბული სპორტული ღონისძიების წარმატებით განხორციელებაში.