3 მარტს, დედის დღესთან დაკავშირებით ევროპის ახალგაზრდული ოლიმპიური კომიტეტის თბილისი 2015-ის საორგანიზაციო კომიტეტის თანაშრომლები  ღუდუშაურის სახელობის კლინიკის სამშობიაროს საჩუქრებით ეწვივნენ. ახალშობილებს სხვადასხვა ბრენდირებული სამოსი და საჩუქრები თბილისი 2015-მა და  ფესტივალის მთავარმა სპონსორმა  კოკა-კოლამ და პლატინის სპონსორმა ნაბეღლავმა უსახსოვრეს.

მედიის წარმომადგენლებისთვის განცხადებები ახალბედა დედამ და თბილისი 2015-ს წარმომადგენელმა გააკეთა.

,,მივიღეთ ძალიან სასარგებლო და საჭირო საჩუქრები ახალშობილებისთვის. დიდი მადლობა საორგანზიაციო კომიტეტს ამ საჩუქრებისთვის და ამ დღის გალამაზებისთვის,’’ განაცხადა ახალბედა დედამ ლიკა ლიპარტენიანმა მედიისთვის გაკეთებულ განცხადებაში.

,,ყველა დედას ვულოცავთ დედის დღეს. ეს თაობა 2015 წელს მოევლინა ქვეყანას, ყველაზე მნიშვნელოვან წელს, ოლიმპიურ წელს.  წელს საქართველო მასპინძლობს ყველაზე მასშტაბურ სპორტულ ღონისძიებას და დედებისგან მივიღეთ პირობა, რომ პატარებს დედებთან ერთად ვიხილავთ გულშემატკივართა შორის,“ განაცხადა თბილისი 2015-ს წარმომადგენელმა ანი გიუნტერმა. 

მეორე წელია თბილისი 2015-ის საორგანიზაციო კომიტეტი დედის დღეს აღნიშნავს. წინა წელს დედის დღეს განსაკუთრებული საჩუქრები ჩაჩავას კლინიკის სამშობირაოში დაბადებულ ჩვილებს და მათ დედებს გადაეცათ .